Die agglutinerende aard en komplekse rekursiewe morfologiese strukture van Zoeloe bring mee dat ’n unieke datamodel ontwikkel moet word vir die omvattende Zoeloe ML-leksikon. Die betekenisse van woorde in Zoeloe verander deur ’n verskeidenheid van agter- en voorvoegsels by te voeg. So sal die woordwortel bon verskeie modifikasies kan ondergaan met telkens nuwe betekenisse. Verder is die volgorde van die byvoegsels ideosinkraties en die volgorde behoort uit reedsbeskikbare data verkry en in die ML-leksikon gestoor te word.

Enkele voorbeelde van bon (‘sien’) met toelaatbare agtervoegsels sluit die volgende in:

1. -bon-is-: toon, laat sien
2. -bon-an-: sien mekaar
3. -bon-is-an-: toon aanmekaar
4. isi-bon-is-el-o-ana: klein voorbeeld

Laastens word implementeringsmoontlikhede waarin rekursie ondersteun word, bespreek. Die keuse van die benadering of databasistipe word onder andere bepaal deur die verskillende perspektiewe op die data, die toegangmeganismes tot die data en die tipe data wat gestoor word. Weens die strategiese aard van die ML-leksikon as hulpbron is dit noodsaaklik dat dit verskeie perspektiewe en toegangsmeganismes toelaat ten einde die optimale inbedding in ’n verskeidenheid toepassings teondersteun. Leksikale data is semi-gestruktureerd en die implementeringsbenadering sal vir rekursie voorsiening moet maak. XML en Unicode isde facto-standaarde vir annotering en dekodering. Ten opsigte van implementering is die fokus op die gebruik van suiwer XML (Native XML) en XML-versoenbare databasisse.

Hierdie studie vind plaas binne die konteks van die ISO FDIS 24613:2008 konsep-standaard vir leksikale annoteringsraamwerke. Die uitkomste van die studie is drieërlei: Eerstens die ontwikkeling van ’n omvattende datamodel vir die ML-leksikon, tweedens ’n ondersoek na die mees geskikte benaderings vir implementeringvan die ML-leksikon en derdens die bou en kritiese evaluering van ’n prototipe.